Մի մեծ, ցանկապատված այգում հաշտ ու խաղաղ աճում էին պտղատու ծառերը: Գարնանը նրանք ոտից գլուխ ծածկվում էին կաթնավարդագույն շղարշով, իսկ ամառվա վերջում ճկվում էին հասած պտուղների ծանրության տակ:
Որտեղից որտեղ համերաշխ ու բարեջան այս ընտանիքը ներխուժեց ընկուզենին և, փարթամորեն ճյուղավորվելով, սկսեց ամբարտավանորեն հոխորտալ.
— Որտե՞ղ է գրված, որ ես պիտի ցցվեմ մնամ այս ցանկապատի ետևում,- դժգոհ փնփնթաց նա:- Ես ամենևին մտադիր չեմ ճգնակեցիկ դառնալ էստեղ: Թող ճյուղերս դուրս ելնեն, որպեսզի շրջապատս իմանա, թե ինչ հրաշալի ընկույզներ ունեմ:
Եվ ընկուզենին սկսեց համառորեն հաղթահարել բարձր ցանկապատը, որպեսզի իր ողջ գերաշնորհ տեսքով երևա եկող-գնացողին:
Եվ երբ ժամանակը հասավ, ու նրա ճյուղերն ամբողջովին ծածկվեցին ընկույզներով, ամեն անցնող-դարձող սկսեց պոկել դրանք: Ում ձեռքը չէր հասնում, քար ու փայտ չէր թողնում, որ գործի չդներ: Շատ շուտով մեծամիտ ընկուզենին զրկվեց ոչ միայն պտուղներից, այլև տերևներից:
Ճիպտանման, չոր ու անկենդան կախվել էին նրա խեղված ճյուղերը, մինչ այգու փարթամ կանաչության մեջ գեղափայլ տեսքով հմայուն էին հյութեղ խնձորը, տանձն ու դեղձը:
Առաջադրանքներ
1. Դուրս գրիր այն բառերը, որոնք ցույց են տալիս պատմողի վերաբերմունքը.
ա) ընկուզենու նկատմամբ,դժգոհ փնփնթաց նա մեծամիտ ընկուզենի
բ) պտղատու մյուս ծառերի նկատմամբ:Հաշտ ու համերաշխ աճում էին պտղատու ծառերը:
2. Ընկուզենուն՝
• մեղադրիր. մեծամիտ էր
• արդարացրու.ունի համեղ ընկույզ
• բնութագրիր: դժգոհ,փնփնթացող,համառ
3. Լրացրու թերի միտքը.
Առակն այն մարդկանց մասին է, որոնք մեծամիտ են, և հայտնվելով մի տեղ միանգամից ուզում են առաջ գնալ:
4. Գրիր ասացվածքներ, որոնք կարող են դառնալ այս առակի խրատական մասը: Դու քեզ մի գովիր,թող ուրիշը քեզ գովի: Առաջ մտածիր հետո խոսիր: Մարդու մեջ կա այնքան մեծամտություն,որքան պակասում է հասունությունն ու զարգացվածությունը:
5. Այլ վերնագիր գրիր առակի համար: Մեծամիտ